कराची

पाकिस्तान इंटरनॅशनल एअरलाइन्सचे विमान कराची विमानतळाजवळील निवासी भागात कोसळले आहे. या विमान अपघात 98 जणांचा मृत्यू झाल्याची भीती व्यक्त करण्यात येत आहे.

पाकिस्तान इंटरनॅशनल एअरलाइन्सचे प्रवक्ते अब्दुल सत्तार यांनी या घटनेला दुजोरा दिला आहे. घटनेची माहिती मिळताच अग्निशमन दल, रुग्णवाहिका घटनास्थळी दाखल झाल्या आहेत. मात्र, जीवितहानीबाबतची माहिती अद्याप समोर आलेली नाही. व्हायरल होणार्‍या व्हिडिओमध्ये एका इमारतीजवळ धुराचे लोळ उठले असल्याचे दिसत आहे. दरम्यान, या विमानात पाकिस्तानी अभिनेत्री आपल्या पतीसोबत प्रवास करत होती, अशी चर्चा आहे. मात्र, या वृत्ताला अधिकृत दुजोरा मिळाला नाही.

विमानाचा अपघात निवासी भागात झाल्यामुळे एकच खळबळ उडाली आहे. या अपघातानंतर स्थानिकांनी बचाव कार्य सुरू केले. अग्निशमन दलाचे जवान, रुग्णवाहिका ही घटनास्थळी दाखल झाले असून बचाव कार्य सुरू आहे अद्याप या घटनेत किती जीवितहानी झाली याची माहिती समोर आली नाही. विमान घरांवर कोसळल्यानंतर स्फोटाचे आवाज ऐकू आले असल्याचे स्थानिकांनी सांगितले. त्यानंतर परिसरात प्रचंड धूर दिसू लागला. जवळपास सहा ते 12 घरांचे नुकसान झाले असल्याची प्राथमिक माहिती आहे. विमान कोसळलेल्या ठिकाणी जाण्यासाठी अग्निशमन दलाच्या जवानांना अरुंद गल्ली असल्यामुळे प्रयत्नांची पराकाष्ठा करावी लागली. लॉकडाउननंतर दोनच दिवसांपूर्वी विमान वाहतूक सुरू करण्यात आली होती.

 

अवश्य वाचा

आज पासून नवी सुरुवात!