Tuesday, April 13, 2021 | 12:19 PM

संपादकीय

विज्ञान शिक्षणासाठी मराठी विद्यापीठ!

मराठी राजभाषा दिन आणि राष्ट्रीय विज्ञान दिन

साप्ताहिक राशी भविष्य

मेष : आत्मविश्‍वासात वाढ होईल

आत्मविश्‍वासात वाढ होईल मेषराशीधारकांना या सप्ताहाचे ग्रहमान पाहता प्रतिस्पर्धी व शत्रूंवर आपण मात करू शकाल. एकंदरीत भाग्यवृद्धीचा काळ आहे. आपल्या मनात विविध विचारांचे तरंग उमटतील. कुटुंबात सुख-शांती नांदेल. विवाहेच्छुकांच्या विवाहाचा मार्ग मोकळा होईल. भिन्नलिंगी व्यक्तींप्रती आकर्षित व्हाल. मात्र, संबंधात आपला अहंकार बाजूस सारावा लागेल. नवीन प्रकल्पांची सुरुवात करू शकाल. प्रिय व्यक्तीच्या सहवासाने आनंदित व्हाल. वडिलधार्‍यांशी आपले संबंध सुधारतील. आपले आरोग्य उत्तम राहील. आजवर केलेल्या कामामुळे यश व कीर्ती यात वाढ होऊन आणखी काही करण्याचा उत्साह निर्माण होईल. तसेच आपल्या आत्मविश्‍वासात वाढ होईल. पाहुणे व मित्रांसह भोजनाचे आयोजन होऊ शकेल. उत्तरार्धात आपल्या आरोग्यात उल्लेखनीय सुधारणा होऊन चेहर्‍यावर त्याचे तेज दिसून येईल. महिलांना- आप्तेष्टांच्या संपर्कात राहता येईल व त्यांची ख्याली-खुशाली घेता येईल. आर्थिक बाजू ठीक राहील. कौटुंबिक वातावरण बिघडू देऊ नका. सार्वजनिक ठिकाणी आपले मतप्रदर्शन करण्याचे टाळावे. खिसा पाकीट भरलेले राहील. शुभ दिनांक ः 8,13

वृषभ : आनंद उपभोगू शकाल

वृषभराशीसाठी या सप्ताहाचे ग्रहमान पूर्वार्धात आपणास पत्नी, संतती, वडीलधारी व मित्र परिवाराकडून सुखद बातम्या मिळण्याची किंवा त्यांच्यामुळे काही फायदा होण्याची शक्यता आहे. कुटुंबियांकडून एखाद्या महागड्या वस्तूंची भेट मिळण्याची अपेक्षा बाळगू शकता. या सप्ताहात कोणत्याही बौद्धिक प्रतिभेशी संबंधित कार्ये, चर्चा इत्यादी दरम्यान थोडी काळजी न घेतल्यास आपणास खोटे ठरविण्यात येण्याची किंवा आपल्या हातून चुकीचे निर्णय घेतले जाण्याची शक्यता आहे. आपली विश्‍लेेषण शक्ती मंदावल्यामुळे जेथे बुद्धीची नाही तर श्रमांची गरज असेल अशा गोष्टींकडे विशेष लक्ष द्यावे. महिलांनाः आपली प्रतिमा मलीन होईल अशा कार्यापासून दूर राहावे. सध्या कोणास जामीन राहू नये. बँकेत सुद्धा कोणास जामीन राहू नका. संबंधातील अत्युच्य आनंद उपभोगू शकाल. त्यात सुद्धा उत्तरार्धात भिन्नलिंगी व्यक्तीशी खूप जवळीक साधू शकाल. या सप्ताहात उत्तरार्धात हृदयाच्या ठोक्यांची अनियमितता, पाठदुखी यांचा त्रास संभवतो. शुभ दिनांक ः 9,14.

मिथुन : धार्मिक कार्यात सहभागी व्हाल

मिथुनराशीसाठी या सप्ताहाचे ग्रहमान पाहता पूर्वार्धात विद्यार्थ्यांचा अभ्यास उत्तम झाला तरी उत्तरार्धात कोणत्याही विषयाचे खोलवर अध्ययन करण्यासाठी अधिक कष्ट करण्याची तयारी ठेवावी लागेल. या पूर्वार्धात व्यावसायिक आघाडीवर आपल्या कामांना गती येईल. आपल्या शब्दांचे मोल वाढेल. जी स्वप्ने मागील कालावधीत बघितली असतील ती आता प्रत्यक्षात येतील. आपल्या अंतर्ज्ञानात व कल्पनाशक्तीत भर पडेल. आपण आशावादी व सकारात्मक वृत्तीचे आचरण कराल. काही वेळा आपली गती मंदावली गेली तरी आपल्या वाटचालीत व निर्णयात ठामपणा नक्कीच राहील. आपणास नवीन व चांगल्या कार्याकडे लक्ष द्यावेच लागेल. आपण गृहस्थजीवनास सुद्धा योग्य महत्त्व देऊन त्यानुसार वाटचाल करण्याची तयारी ठेवाल. महिलांना ः कुटुंबाप्रती आपला कल वाढत असल्याचे दिसून येईल. सप्ताहाच्या शेवटी आपली मनोरंजनाची इच्छा प्रबळ होईल. सामाजिक किंवा धार्मिक कार्यात सहभागी व्हाल. समाजाप्रती आपले ऋण चुकविण्यासाठी आपण सक्रिय व्हाल. फिरण्याचा बेत पूर्ण करू शकाल. शुभ दिनांक ः 7,13

कर्क : कौटुंबिक वातावरणात रममाण व्हा

कर्कराशीधारकास या सप्ताहाचे ग्रहमान पाहता आपण या साप्ताहात कौटुंबिक आघाडीवर एखाद्या व्यक्तीशी आपल्या वागणुकीत उग्रता दिसून येईल. वाणी व वर्तनात काठिण्य राहील, तेव्हा काळजी घ्यावी. कोणत्याही बाबतीत हट्ट सोडण्याचा सल्ला देण्यात येत आहे. हे सर्व आपण कुटुंबाप्रती अति संवेदनशील झाल्यामुळेच होणार असले तरी आपल्या भावना समजून घेण्यास कुटुंबियांना थोडा वेळ लागेल. त्यांच्या खुशीसाठी आपण वाहन, इलेक्ट्रॉनिक वस्तू किंवा अन्य एखादी मोठी वस्तू खरेदी करण्याची शक्यता आहे. त्यांच्या गरजा पूर्ण करण्यासाठी सध्या व्यावसायिक आघाडीवर सुद्धा अतिरिक्त परिश्रम कराल. घरातील संबंधात थोडी काळजी घ्यावी लागेल. विशेषतः जे आधीपासूनच दुर्लक्ष करत आहेत त्यांना प्रियव्यक्तीशी संबंधित एखाद्या बाबतीत सतत काळजी वाटेल. सध्या व्यापारसंबंधात आपणास थोडी अनिश्‍चितता जाणवेल. महिलांना ः विवाहेच्छुकांना जोडीदाराची निवड विचारपूर्वक करावी लागेल. उत्तरार्धात प्रियजनांसह बाहेर फिरावयास जाण्याचे तसेच भोजनाचे आयोजन करू शकाल. शुभदिनांक ः 8, 13.

सिंह : मानसिक दिलासा मिळेल

सिंह : सिंहराशीसाठी या सप्ताहाचे ग्रहमान पाहता पूर्वार्धात चिंतन करून आपण आपल्या काही दोषांचे सुद्धा निराकरण करू शकाल. थोड्या प्रतिकूलतेस सामोरे गेल्यानंतर आपणास हळू हळू दिलासा मिळू लागेल. उत्तरार्धात गृह सजावटीचे कार्य हाती घ्याल. अतिरिक्त कामामुळे शरीरास थोडा थकवा जाणवला तरी त्यामुळे आर्थिक लाभ होण्याची शक्यता असल्याने आपण काही तक्रार करणार नाही. सुरुवातीस आपली कामे नियोजनानुसार पूर्णत्वास नेण्यात परिश्रम करावे लागले किंवा आपले फासे उलटे पडले तरी निराश न होता प्रयत्न चालू ठेवल्यास उत्तरार्धात यश प्राप्ती होऊन आपणास मानसिक दिलासा मिळेल. पूर्वार्धात नोकरीत वरिष्ठांशी काही कारणाने वाद होणार नाहीत याची काळजी घ्यावी. कायद्याविरुद्ध कार्ये किंवा अनैतिक कार्ये करून आर्थिक प्राप्ती करण्याचे विचार मनातून काढून टाका. महिलांनाः आपल्या प्रियव्यक्तीसाठी एखादी सुंदर वस्तू खरेदी करण्यासाठी आपण खर्च कराल. प्रियव्यक्ती, मित्र, नातेवाईक यांच्या सहवासात बहुतांश वेळ घालवाल. शुभ दिनांक ः 9,11.

कन्या : आरोग्याच्या दृष्टीने चांगला आठवडा

कन्याराशीसाठी या सप्ताहाचे ग्रहमान पाहता आपण व्यावसायिक आघाडीसाठी पूर्वार्ध अधिक अनुकूल आहे. व्यावसायिक आघाडीवर प्रतिस्पर्धी व शत्रूंवर आपण मात करू शकाल. आपल्या कौशल्याच्या जोरावर आपण लोकांच्या प्रशंसेस पात्र व्हाल. नोकरी करणार्‍यांच्या कामात व विचारात सर्जनात्मकता दिसून आल्याने पदोन्नतीची शक्यता नाकारता येत नाही. उत्तरार्धात शासकीय व कायदाबाबत अडथळे येऊ शकतात. उत्तरार्धात आपली प्रतिमा मलीन होईल अशा कार्यांपासून दूर राहावे. पूर्वार्धात पिता किंवा वडिलधार्‍या व्यक्तीं कडून लाभ होईल. परंतु उत्तरार्धात पैतृक संपत्तीशी संबंधित कार्यात विघ्ने येण्याची किंवा अपेक्षेनुसार फलप्राप्ती न होण्याची शक्यता आहे. मित्र, पत्नी, संतती यांच्याकडून लाभ होईल. स्त्री मित्रांकडून लाभ होईल. महिलांना ः दांपत्य जीवनात सुद्धा पारंपारिक विचारातील प्रगल्भतेमुळे एकमेकांच्या सहवासाचा अत्युच्च आनंद उपभोगू शकाल. पती पत्नीत आपल्या दोघात एकमेकांप्रतीचे आकर्षण टिकून राहील. आरोग्याच्या दृष्टीने पूर्वार्ध चांगला आहे त्याचा आनंद घ्या. शुभदिनांकः 10,11.

तूळ : धनप्राप्तीचे योग आहेत

तुळराशीसाठी या सप्ताहात सुरुवातीला तुमचे शत्रू तुमचे काम बिघडवण्याचा प्रयत्न करतील. व्यापार-संबंधित लोकांना नुकसान होऊ शकते. असे झाले तरी तुम्हाला वरिष्ठ लोकांचे आणि कुटुंबातील मोठ्यांंचे भरपूर साहाय्य मिळेल. नकोसे खर्चही वाढू शकतात. नव्या जबाबदार्‍या मिळू शकतात. पदोन्नती मिळण्याची शक्यता आहे. मिळकतीचे स्त्रोत वाढतील. धनप्राप्तीचे योग आहेत. सामाजिक कार्यात तुम्ही सतत तत्पर राहाल. प्रेम-प्रसंग विवाहापर्यंत पोहोचण्याचे योग आहेत. आई-वडीलांच्या बोलण्याकडे पूर्ण लक्ष द्या, नाहीतर ते नाराज होऊ शकतात. पण व्यवस्थित समजवल्याने त्यांची नाराजी दूर होऊ शकते. स्वास्थ्य उत्तम राहील. कोणतेही नवे काम करण्याआधी त्याच्या प्रत्येक पैलूचा बारकाईने विचार करा. जोडीदाराचे हवेत प्रेम आहे, त्याचा फायदा घ्या. कुठलीही गोष्ट मिळवण्यासाठी तुम्ही केलेली घाई-गडबड, नुकसान करू शकते. महिलांना ः वैवाहिक जोडीदाराशी जुळवून घ्या. नको त्या जबाबदार्‍या स्वीकारू नका. आपण एखाद्या अशा व्यक्तीप्रती आकर्षित व्हाल कि जी आपल्याहून वयाने अधिक मोठी किंवा लहान असेल. शुभदिनांक ः 11,12.

वृश्चिक : अभ्यासात एकाग्रता वाढवावी

: वृश्‍चिकराशीसाठी या सप्ताहात आपल्या कामाची प्रशंसा केली जाईल. व्यवसायात आपली बौद्धिक क्षमता प्रदर्शित झाल्याने नोकरीत पदोन्नती होऊ शकेल. व्यापार्‍यांना दूरवरचे सौदे प्राप्त होण्याची शक्यता आहे. जे मुद्रण, रसायन, औषधे, शासकीय कार्य किंवा कंत्राट इत्यादींशी संबंधित आहेत त्यांना उत्तरार्ध अधिक फलदायी होऊ शकेल. उच्च शिक्षण घेणार्‍या विद्यार्थ्यांना पूर्वार्धात चांगली संधी मिळू शकेल. मात्र, व्यापक विचार केल्यास आपणास अभ्यासातील एकाग्रता वाढवावी लागेल. विद्यार्थ्यांना अभ्यासातील समस्यांचे निराकरण झाल्याने दिलासा मिळेल. तरी उत्तरार्धात विशेषतः रक्तदाब, हृदयाच्या ठोक्यांची अनियमितता किंवा डोळ्यांची जळजळ इत्यादी समस्या होण्याची शक्यता आहे. महिलांनाः नको त्या विचारात अडकू नका. तब्येेत ठीक वाटत नसेल तर प्रवास टाळा, मित्र, मैत्रिणी खुशखबर देतील. सप्ताहाच्या मध्यावर धनलाभ संभवतो. नोकरीत त्रास होईल. आर्थिक स्तरावर त्रासात राहू शकता, जोडीदाराचे वागणेही तुम्हाला त्रासात टाकू शकते. आपले प्राधान्य हे आपल्या कामांनाच असेल. शुभदिनांकः 13,16.

धनु : आरोग्याची काळजी घ्यावी

धनुराशीसाठी या सप्ताहात आपण या कालावधीत आरोग्यास विशेष काही त्रास होण्याची शक्यता नसली तरी पहिल्या तीन दिवसात पित्त प्रकोप, पोटात जळजळ, पायांच्या स्नायूंचे दुखणे होण्याची शक्यता आहे. शक्य तितका स्वभावातील उग्रपणा नियंत्रित ठेवलात तर संबंधात दुरावा निर्माण होणार नाही. प्रियव्यक्तीच्या सहवासाचा आनंद उपभोगू शकाल. एखाद्या रमणीय स्थळी फिरावयास किंवा छोट्याशा प्रवासास जाऊन आनंदात वेळ घालवू शकाल. पूर्वार्धात विद्यार्थ्यांना परिश्रम वाढवावे लागले तरी उत्तरार्धात त्याचे चांगले फळ मिळू शकेल. बौद्धिक प्रवृत्ती व चर्चेस आपण प्राधान्य द्याल. पूर्वार्धात आपणास आरोग्याची काळजी घ्यावी लागेल. वाहन चालवताना काळजी घेण्याचा सल्ला देण्यात येत आहे. मुलांना प्रोत्साहन देण्याचा प्रयत्न करावा. तरीही ग्रहमान पाहता आपण प्रत्येक कार्यात शांतता बाळगून, विचारपूर्वक वागून निर्णय घ्यावा. महिलांना ः हा सप्ताह तुमच्या दृष्टीने चांगला जाईल. महिलावर्गाला सासुरवाडीकडून काही शुभसंकेत मिळतील.महिलांना घरबसल्या हा काळ उत्तम असून त्यांच्या कलागुणांना वाव मिळेल. शुभदिनांक ः 14,20.

मकर : अनावश्यक खर्च टाळा

हा सप्ताह मकरराशीसाठी आपले ग्रहमान पाहता दुसर्‍यांवर अवलंबून न राहता स्वयंसिद्ध होण्याचा प्रयत्न करा. नोकरदारांनी वरिष्ठांशी जुळवून घेण्याचा प्रयत्न करावा, वादाचे प्रसंग टाळावेत. आरोग्याच्या बाबतीत जे मागील काही दिवसांपासून आजारी होते त्यांना काहीसा दिलासा मिळेल. ज्यांना अ‍ॅलर्जी, त्वचा विकार किंवा एखादी जुनी समस्या असेल तर त्यांना उत्तरार्धात दिलासा मिळू शकेल. प्रणयी जीवनात पुढील वाटचाल गुलाबी होण्याची किंवा नवीन संबंधांची सुरुवात होण्याची शक्यता आहे. विरोधकांच्या कारवायांवर नजर ठेवा. आपल्या घरात एखादी किमती वस्तूची खरेदी होणार आहे. मोठ्या व्यक्तीचेे रागाचे बोलणे मनावर घेऊ नका. आपल्या रागावर नियंत्रण ठेवून शांतता बाळगल्यास आपण सर्व बाबतीत अग्रेसर राहू शकाल. महिलांना ः आपली माहेरची माणसे घरी येतील त्यांची उठबस करावी लागेल, कामात असताना तब्येतीकडे दुर्लक्ष करू नका, घरातील अनावश्यक खर्चाला आळा घाला. त्यामुळे मनावर ताण येणार नाही. आपण बोलण्यावर नियंत्रण ठेवून कृतीवर भर दिल्यास पुष्कळशा गोष्टी साध्य करता येतील. शुभ दिनांक ः 14,17.

कुंभ : कलागुणांना प्रोत्साहन मिळेल

: कुंभराशी या सप्ताहातील ग्रहमान पाहता विद्यार्थ्यांना कोणत्याही विषयाचा खोलवर अभ्यास करताना आपली आकलनशक्ती कमी असल्याचे जाणवेल. तरीही त्यांना अभ्यासाची गोडी लागल्याने उत्तरार्धात त्याचे चांगले परिणाम मिळू शकतील. त्यांच्या अंगभूत कलागुणांना प्रोत्साहन मिळेल. आपण आपली अस्मिता क्षुल्लक कारणाने दुखावली जाणार नाही याची दक्षता घेतल्यास आपल्या मनाप्रमाणे पुष्कळशा गोष्टी साध्य होणे शक्य आहे. कामाशी संबंधित समस्यांचे निराकरण करण्यासाठी आपण कष्ट कराल. नवीन मैत्री करताना सावध राहण्याचा सल्ला देण्यात येत आहे. आपण प्रत्येक बाबतीत नम्रतेचे धोरण स्वीकारल्यास हाती घेतलेल्या कार्यात यश मिळू शकेल. आपल्या आवडीच्या गोष्टी करण्यात आनंद घेता येईल. दूरच्या आप्तेष्टांशी वार्तालाप होण्याची शक्यता आहे. नोकरदारांना दिलासा मिळेल. आपल्या ध्येयासाठी प्रयत्नशील राहा. महिलांना ः आप्तेष्टांच्या संपर्कात राहता येईल व त्यांची ख्याली-खुशाली घेता येईल. आर्थिक बाजू ठिक राहील. कौटुंबिक वातावरण बिघडू देऊ नका. पर्स भरलेली राहील. शुभ दिनांकः 13,15.

मीन : खोटी आश्‍वासने देऊ नका

मीनराशीसाठी आपले ग्रहमान पाहता भौतिक सुखांमध्ये वृद्धी होईल. मिळकतीचे नवे मार्ग उघडतील. जुन्या समस्या निरोप घेण्याच्या मार्गावर आहेत. नव्या संपर्कांचा फायदा होईल. भौतिक सुखांमध्ये वृद्धी होईल. मिळकतीचे नवेमार्ग उघडतील. नोकरी किंवा व्यवसाय संबंधाने शहराच्या बाहेर जाण्याचे योग आहेत. हा सप्ताह साधारण असला तरी स्वास्थ्य ठीक-ठाक राहील. जोडीदाराची साथ मिळेल. तुमच्या बोलण्याचा मान राखला जाईल. धार्मिक कार्यात आवड वाढेल. तब्येत ठीक करण्यासाठी सकाळी फिरायला जावे. मनासारखी स्थळं न मिळाल्याने निराशा राहील. वडील आणि भावाशी वाद होतील. वाहन चालवताना अति-दक्ष राहण्याची आवश्यकता आहे. मद्यपान करताना संयम ठेवा. जुनी थांबलेली कामे मार्गी लागतील. कोणालाही खोटे आश्‍वासन देऊ नका, पाऊस चांगला झाल्याने शेतकर्‍यांनाही फायदा होईल. विरोधक शांत राहतील. महिलांना ः दुसर्‍यांवर अवलंबून न राहता आपल्या आत्मविश्‍वासाने स्वयंसिद्ध होण्याचा प्रयत्न केल्यास पुष्कळशा गोष्टी साध्य करू शकाल. शुभ दिनांक ः 14,16.

Go To Top