Monday, January 18, 2021 | 08:52 AM

संपादकीय

ड्रायव्हरलेस मेट्रोचं लक्षवेधी तंत्र!

किंबहुना, असं म्हणणार्‍यांना वेड्यात काढलं गेलं असतं.

साप्ताहिक राशी भविष्य

मेष : शांततने व विचारपूर्वक निर्णय घ्या

मेषराशीधारकांनी या सप्ताहात नवीन वर्षांचे ग्रहमान पाहता शांत राहून परिस्थितीचा आढावा घ्यावा. आप्तेष्टांशी संपर्कात राहा व कौटुंबिक वातावरण बिघडू देऊ नका. कुटुंबातील ताळमेळ एकमेकांच्या मदतीने पुढे जाईल जर तुम्हाला कुटुंब जोडून ठेवायचे असेल तर, तुम्हाला काही ठिकाणी समझोता करावा लागेल. तुमचे आर्थिक जीवन बदलण्याची शक्यता असेल, विद्यार्थ्यांसाठी आता अनुकूल दिवसांची सुरुवात झाली आहे. विद्यार्थ्यांना चांगल्या गुणांची प्राप्ती होईल. अभ्यासात त्यांचे लक्ष लागून अभ्यास चांगला होऊ शकेल, राजकारणापासून दूर राहणे चांगले. करिअरच्या दृष्टिकोनातून तुम्हाला पद प्राप्ती होऊ शकते. आपल्या मुलांसाठी हा काळ बराच अनुकूल राहील यश मिळेल, उत्तरार्धात सार्वजनिक जीवनात आपली सक्रियता वाढेल महिलावर्ग ः मुलांना प्रोत्साहन देण्याचा प्रयत्न करावा. तरीही ग्रहमान पाहता आपण प्रत्येक कार्यात शांतता बाळगून, विचारपूर्वक वागून निर्णय घेतल्यास हा सप्ताह तुमच्या दृष्टीने चांगला जाईल. तुमच्या परिवाराला सामाजिक रूपात सन्मान आणि संपन्नता प्राप्त होईल. शुभ दिनांकः 3,9

वृषभ : चांगले प्रदर्शन करण्याचा योग

वृषभराशीसाठी या सप्ताहाचे ग्रहमान पाहता नवीन वर्षात तुम्ही वाहन खरेदी करू शकाल. दुसरीकडे वर्षाची सुरुवात काहीशी चांगली राहील आणि लग्न झालेल्या कुटुंबात नवीन सदस्याचे आगमन होऊ शकते. शिक्षणात तसेच काही क्रिएटिव्ह क्षेत्रात आपल वर्चस्व निर्माण होईल. कौटुंबिक जीवनात नजर टाकली असता कुटुंबातील लोक अध्यात्मिक गोष्टीत अधिक लक्ष देतील. तथापि इतर काही लोकांसोबत विरोधाभासाची स्थिती बनलेली राहील. धन संबंधित वाद कुटुंबातील शांती भंग करू शकतो. विद्यार्थ्यांसाठी नवीन वर्ष सामान्य राहील प्रोफेशनल कोर्सची तयारी करणार्‍या विद्यार्थ्यांना मात्र उत्तम यश मिळेल. ते उच्च शिक्षणाच्या क्षेत्रात बरेच चांगले प्रदर्शन करण्यात यशस्वी राहतील. वित्तीय निर्णय घेण्याआधी बरेच विचार करावे लागतील. वर्षाची सुरुवात करिअरसाठी काहीशी आव्हानात्मक राहू शकते, सार्वजनिक ठिकाणी आपले मतप्रदर्शन करण्याचे टाळावे. महिलांनाः महिलांना घरबसल्या धनलाभ देणारा कालावधी आहे, हा काळ उत्तम असून कोणत्याही क्षेत्रात यश मिळेल, मोसमी आजारांपासून सावध राहा. शुभ दिनांकः 4,8.

मिथुन : लाभ व यश प्राप्तीची संधी

मिथुनराशीसाठी या सप्ताहाचे ग्रहमान पाहता वर्षाची सुरुवात करिअरसाठी सामान्य रूपात शुभ राहील. तुम्ही कुठल्या मोठ्या व्यावसायिका सोबत राहून काम ही करू शकाल. या राशीतील विद्यार्थ्यांना या वर्षी काही मोठी संधी प्राप्त होऊ शकते. तुमच्यासाठी हे वर्ष बरेच उत्तम सिद्ध होईल कारण तुमचे अधिक प्रयत्न यश अर्जित करतील. आर्थिक दृष्टिकोनातून ही वर्ष बरेच अनुकूल आहे आणि ह्या आठवड्यात आयात - निर्यातीशी संबंधित व्यापार्‍यांना लाभ व यश प्राप्ती होईल. अधीरता व आक्रमक वृत्ती किंवा अंधानुकरण आपल्या मनास सतत नकारात्मकतेकडे खेचून घेईल. मानसिक स्थिति अस्थिर होण्याची शक्यता आहे त्यामुळे प्रार्थना आपल्याला साथ देऊ शकेल विचारपूर्वक केलेली कृती फायदा देणारी असेल. कोणालाही राग येणार नाही अशा दृष्टीने वागणे हितकारक राहील. महिलांनाः उपवास करताना फळ आहार घेणे आपल्याला फायद्याचे आहे. किमती वस्तूची खरेदी करू शकाल घरात महत्वाची वस्तु येईल. कौटुंबिक वातावरण वादासारख्या प्रसंगांनी बिघडणार नाही याची दक्षता घ्या. शुभ दिनांकः 5,6.

कर्क : बोलण्यावर नियंत्रण ठेवा

कर्कराशीधारकास या सप्ताहाचे ग्रहमान पाहता नवीन वर्षात धन आवक सातत्याने वाढत राहील ज्यामुळे तुम्ही बरेच प्रसन्न राहाल. प्रकृतीची काळजी घ्या, आपण आपल्या बोलण्यावर योग्य नियंत्रण ठेवून वागल्यास पुष्कळशा गोष्टी साध्य करता येणे शक्य होईल. आपल्या बोलण्याने इतरांचा इगो दुखावणार नाही याची दक्षता घ्या. भविष्याचा विचार न करता वर्तमानकाळाचा आनंद घेऊन सुखी-समाधानी राहण्याचा प्रयत्न करा. जागरण टाळा सरकारी नियम व कायद्याचे पालन कटाक्षाने पाळा. चुकीच्या पैशाचा मोह करू नका सरकारी देणी त्वरित भरा. भक्तिमार्गाचा अवलंब केल्यास आनंद मिळू शकेल. आपण सामंजस ठेवल्यास ही वेळ आपल्यासाठी संधी देणारी असेल, आपल्या ओळखीचा फायदा कसा करायचा हे ठरवा बाकी सर्व सोप होईल, महिलांनाःआपण मेहनतीच्या पर्वातून प्रवास करीत आहात हे विसरू नका व प्रत्येक बाबतीत सावधानता बाळगल्यास हा आठवडा चांगला जाऊ शकेल. आपल्या बोलण्यावर नियंत्रण ठेवा, जेणेकरून आपल्याबद्दल गैरसमज व नाराजी होणार नाही. आपली कुवत पाहूनच जबाबदारी स्वीकारा. शुभदिनांकः 7,8.

सिंह : प्रलोभनांना भुलू नका

सिंहराशीसाठी या सप्ताहाचे ग्रहमान पाहता नवीन वर्षात सर्वांशी प्रेमाने वागल्यास आपल्याला मदतीचा हात येऊ शकेल. सरकारी नियम व कायदा यांचे उल्लंघन होणार नाही याची दक्षता घ्या. आपल्या मुलांसाठी हा काळ बराच अनुकूल राहील यश मिळेल, उत्तरार्धात सार्वजनिक जीवनात आपली सक्रियता वाढेल. ह्या व्यतिरिक्त प्रणयी जीवनाचा नवीन अध्याय सुरु करू शकाल. नियमित व्यायाम व योगाचा अवलंब करावा. दम लागे पर्यंत काम करू नका. ज्येष्ठांचा आदर राखा. नको त्या प्रलोभनांना भुलू नका, सरळ मार्ग अवलंबा. बौद्धिक क्षेत्राला वाव मिळेल. धार्मिक गोष्टींना प्राधान्य द्याल. मिळणारे समाधान हीच खर्‍या आनंदाची खूण आहे. याबाबतीतला विचार करून वागण्याचा प्रयत्न केल्यास हा आठवडा खर्‍या अर्थाने उत्तम घालवू शकाल. महिलांना- कौटुंबिक व कार्यालयीन कामे चातुर्याने पुरी करण्याचा प्रयत्न करा. कामाचा उत्साह वाढेल मात्र कटू बोलण्याचे प्रसंग कटाक्षाने टाळा. आपण आपली अस्मिता शुल्लक कारणाने दुखावली जाणार नाही याची दक्षता घेतल्यास आपल्या मनाप्रमाणे पुष्कळशा गोष्टी साध्य होणे शक्य आहे. शुभ दिनांक- 4, 9,

कन्या : खर्चाचे प्रमाण वाढणार

कन्याराशीसाठी या सप्ताहाचे ग्रहमान पाहता नवीन वर्षात आपल्या संततीला प्रथित यश मिळेल विद्यार्थ्यांसाठी हे वर्ष बरेच यश देणारे असेल आणि स्पर्धा परीक्षेत ही यश मिळाल्याने तुमचे मनोबल वाढलेले असेल. खर्चाचे प्रमाण वाढणार आहे, तेव्हा प्रथमपासून अनावश्यक खर्च टाळण्याचा प्रयत्न करा. काही समस्या आल्यास आपल्या बुद्धिचातुर्याचा उपयोग करून त्या सोडविण्याचा प्रयत्न करा. आर्थिक बाजू ठीक राहील. हितशत्रूंचा ससेमिरा जाणवणार नाही. बौद्धिक क्षेत्राला वाव मिळेल. व्यवहारात सावधानता बाळगा. लांबचे प्रवास टाळा. आपण सर्वांशी सामंजस्याने वागणे हितकारक राहील. जवळच्या आप्तेष्टांच्या संपर्कात राहाल. या सप्ताहात आपणास कलाक्षेत्राच्या कलागुणांना प्रोत्साहन मिळू शकेल. मात्र अहंकारापासून दूर राहा. महिलावर्ग ः अनावश्यक गोष्टींची चर्चा करण्यापेक्षा स्वतःच्या कामात अधिक लक्ष दिल्यास ते हितकारक ठरू शकेल. वादविवादाचे प्रसंग कटाक्षाने टाळावेत. बोलण्यावर मात्र नियंत्रण ठेवावे म्हणजे गैरसमज होणार नाहीत. आपण आर्थिक व्यवहारात सावधगिरी बाळगल्यास हा आठवडा सर्व दृष्टीने चांगला जाऊ शकेल. शुभदिनांकः 5,9.

तूळ : व्यावहारिक दृष्टिकोन ठेवावा

तुलराशीसाठी सुरुवातीला हे नवीन वर्ष आपल्यासाठी उत्साह घेऊन आले आहे. मागील काही दिवसांपासून आपसात संबंधातील नीरसता व अनिश्‍चिततेचा सामना आपण करत असलात तर आता काळजी करणे सोडा, कारण जानेवारी अखेर पासून बहुतांश बाबतीत आपण सुनिश्‍चित होऊ शकाल. ह्या आठवड्यात आपल्या कामातून आपण बर्‍याच नवीन गोष्टी शिकू शकाल. जीवनशैली उंचावण्यासाठी सुद्धा खर्च होण्याची शक्यता आहे. व्यावहारिक संबंधातील अनिश्‍चिततेमुळे वर्तमान संबंध तोडून नवे संबंध जोडण्यावर आपण अधिक भर द्याल. मात्र ह्या बाबतीत निर्णय घेताना व्यावहारिक दृष्टिकोन ठेवावा अन्यथा आपल्यावर पश्‍चाताप करण्याची पाळी येईल. जोडीदाराची निवड करताना सुद्धा घाई करू नये अन्यथा वैचारिक मतभेदामुळे संबंधात कटुता निर्माण होण्याची शक्यता आहे. महिलांनाः अखेरच्या तीन दिवसांत कौटुंबिक संबंधात काळजी घ्यावी लागेल. व्यावसायिक कारणांसाठी मालमत्ता खरेदी करू शकाल. जर आपण व्यवसाय वृद्धीसाठी मालमत्ता, मशिनरी इत्यादी खरेदी करण्याचा विचार करत असाल. शुभदिनांकः 3,8.

वृश्चिक : प्रकृती स्वास्थ जपा

वृश्‍चिकराशीसाठी हा सप्ताहात पाहता नवीन वर्षात आपल्या कामाची प्रशंसा केली जाईल. त्यासाठी हा आठवड्यांचा पूर्वार्ध अनुकूल आहे. ह्या व्यतिरिक्त संपूर्ण आठवड्याचे दिवस सुद्धा अनुकूल आहेत. तरीही वागणुकीच्या बाबतीत शक्यतो आपली प्रतिष्ठा मलीन होणार नाही अशी वागणूक ठेवा किंवा एखाद्या कायदेशीर कार्यवाहीस आपणास सामोरे जावे लागणार नाही ह्याची काळजी घ्यावी. नवीन विचारसरणीने आपण कामात मार्गक्रमण कराल. सुरुवातीस विद्यार्थ्यांना अधिक मेहनतीसाठी तयार राहावे लागेल. मागील काही दिवसांपासून आपला अभ्यास संथ गतीने होत असेल जो नंतरपासून योग्य गती साधू शकेल. असे असले तरी आपला मार्ग सोपा नसेल. मेहनत हवी त्यात कमी पडू नका. नंतर आपल्या स्थितीत सुधारणा होऊ लागेल. महिलांनाः प्रकृतीस्वास्थ्य जपा. अखेरीस आरोग्य विषयक काही त्रास होण्याची शक्यता आहे, जुने विकार बळावण्याची शक्यता अधिक आहे. कामाच्या ताणामुळे अनेकदा आपणास थकवा येऊ शकतो. नको त्या जबाबदार्‍या स्वीकारू नका. शुभदिनांकः 4,9.

धनु : कौटुंबिक संबंधांची काळजी घ्या

धनुराशीसाठी या सप्ताहात पाहता हे नवीन वर्ष आपल्यासाठी खूपच आशास्पद आहे. आर्थिक प्रगतीची शक्यता असली तरी कौटुंबिक संबंधांची काळजी घ्यावी लागेल. कोणत्याही बाबतीत कुटुंबियांशी चर्चा करताना आपल्या शब्दात स्पष्टता असण्याची गरज आहे. ह्या व्यतिरिक्त प्रत्येकवेळी आपलेच म्हणणे खरे असल्याचा हट्ट धरू नये. मागील काही दिवसांपासून कौटुंबिक कार्यात विलंब होत असल्यास नंतर त्यास गती प्राप्त होईल. ह्या दरम्यान प्रेम संबंध टिकविण्यासाठी सुद्धा आपणास अधिक प्रयत्न करावे लागतील. विशेषतः या सप्ताहात मध्यापासून संबंध संथ गतीने वाटचाल करत असल्याचे आपणास जाणवेल. ज्यांना नवीन प्रेम संबंधांची सुरुवात करावयाची आहे त्यांना प्रेमाचा प्रस्ताव मांडण्यात काही अडचणी येऊ शकतात. कार्यस्थळी स्पर्धेस सामोरे जाण्याची तयारी ठेवावी लागेल. महिलानाः कुटुंबियांशी चर्चेतून किंवा वागणुकीतून गैरसमज उदभवणार नाहीत ह्याची काळजी घ्यावी लागेल. आर्थिक आघाडीवर विशेष त्रास होणार नसला तरी वर्षभर कुटुंबियांसाठी केलेल्या खर्चात आपणास फायदा मिळण्याची आशा आपण बाळगू नये. शुभ दिनांक ः 5,8.

मकर : शक्यतो प्रवास टाळावा

मकरराशीसाठी आपले ग्रहमान पाहता ह्या नविन वर्षात आपले कष्ट बहरून येतील. कारकीर्द, अभ्यास, आर्थिक उन्नती, संबंध, सामाजिक अशा कोणत्याही क्षेत्रात आजवर प्रगती साधण्यासाठी किंवा स्वतःची नवीन ओळख बनविण्यासाठी जे काही प्रयत्न आपण केले असतील त्याचे फळ आता मिळू शकेल. सुरुवातीच्या दिवसात प्रवासात त्रास होण्याची शक्यता असल्याने शक्यतो तो टाळण्याचा प्रयत्न करावा. मध्यानंतर स्थितीत सुधारणा होऊ लागेल. संपूर्ण वर्षभरात प्रवासाच्या आयोजनात शेवटच्या क्षणापर्यंत अनिश्‍चितता राहण्याची शक्यता अधिक आहे. सप्ताहाच्या सुरवातीस पैतृक संपत्ती संबंधित कामात यशस्वी होऊ शकाल. ह्या व्यतिरिक्त वडीलांकडून काही लाभ होण्याची अपेक्षा बाळगू शकाल. आर्थिक आघाडीवर काळजी करण्यासारखे काही नाही. बहुदा प्राप्तीत वाढ होण्यासाठी आपण योग्य नियोजन करून भरघोस फायदा मिळवू शकाल. महिलांनाः पुढील कालावधीत आपल्या प्राप्तीतील अनिश्‍चितता वाढेल. अखेरीस पैश्यांच्या अभावी आपला खोळंबा होऊ नये म्हणून आगाऊ नियोजन करणे गरजेचे ठरेल. शुभ दिनांकः 6,9..

कुंभ : सहकार्याची अपेक्षा करू नये

: कुंभराशी या सप्ताहातील ग्रहमान पाहता नवीन वर्षात होणारे काही खर्च वगळल्यास बहुतांश वेळी पैसे शिल्लक पडू शकतील. वर्षाच्या सुरुवातीस प्राप्तीत वाढ होण्यासाठी केलेले प्रयत्न आता फलद्रुप होतील. मात्र जिवलग मित्रांचा सहवास घडण्याची शक्यता धूसरच राहील. कदाचित मित्रांचे सहकार्य न लाभल्याने त्यांच्याप्रती आपल्या मनात नाराजीचे सूर उमटतील, मात्र तसे करण्यात त्यांचा काही दोष नसून परिस्थितीच तशी असेल हे ध्यानात ठेवावे. नंतर ह्या स्थितीत सुधारणा होण्याची शक्यता आहे. साप्ताहाच्या अखेर पर्यंत प्रियव्यक्ती संबंधित काही चिंता निर्माण झाली तरी उर्वरित काळ अनुकूल असल्याने प्रियव्यक्ती किंवा वैवाहिक जोडीदाराशी आपण जवळीक साधू शकाल. विद्यार्थी उत्तम प्रगती करू शकणार असले तरी त्याना वाईट संगत सोडण्याचा सल्ला देण्यात येत आहे. महिलानाःप्रणयी जीवनात व दांपत्य जीवनात चांगल्या सानिध्याची जाणीव होईल. एकंदरीत ह्या वर्षी आपले आरोग्य चांगले राहिले तरी प्रवासात, साहस करण्या योग्य स्थळी प्रवास करताना दुखापत होण्याची शक्यता असल्याने काळजी घ्यावी लागेल. शुभ दिनांकः 3.6.

मीन : अधिक परिश्रमाचा आठवडा

मीनराशीसाठी आपले ग्रहमान पाहता ह्या नवीन वर्षात दूरवर किंवा परदेशात जाऊन शिक्षण घेण्याची आपली इच्छा फलद्रुप होऊ शकेल. नंतर आपणास गूढ विषयांची गोडी लागेल. आपल्या माणसाकडून होणार्‍या प्राप्तीत सप्ताहाच्या मध्यापासून कपात होण्याची शक्यता आहे. विद्यार्थ्यांचा अभ्यास चांगला होईल. आपणास अभ्यासाची गोडी कमी असून सुद्धा किंवा काही अनिश्‍चितता आली तरी आपण प्रगती साधू शकाल. असे असले तरी पुढील आठवड्यापासून ते अखेर पर्यंत अधिक परिश्रम करावे लागतील. मित्र वर्तुळात अधिक वेळ वाया दवडू नये अन्यथा त्यांच्यामुळे आपल्या अभ्यासावर विपरीत परिणाम होण्याची शक्यता आहे. उच्च शिक्षणासाठी परदेशात जाऊ इच्छिणार्‍या विद्यार्थ्यांना शेवटच्या दिवसांत यशप्राप्ती होईल. परदेशी जाण्यात काही अडचणी येत असल्यास त्या दूर होतील. आध्यात्मिक साधना व व्यायामातील नियमितता आपल्यासाठी योग्य ठरेल. महिलानाःआपली माहेरची माणसे घरी येतील त्यांची ऊठबस करावी लागेल, कामात असताना तब्बेतिकडे दुर्लक्ष करू नका, नको त्या विचारात अडकू नका. तब्बेत ठीक वाटत नसेल तर प्रवास टाळा, शुभ दिनांक ः 4, 6.

Go To Top